L'Autoridá Portuaria d'Avilés niega que'l dragáu seya’l causante de la perda de sable

Refuga traer sable de fuera o facer un proyectu de descontaminación

L'Autoridá Portuaria d'Avilés asegura que'l dragáu de la ría que se fai añalmente nun ye'l causante de la perda de sable de la playa de Salinas y de les dunes, como diz el Ministeriu pa la Transición Ecolóxica.

La nueva normativa afita que pa siguir colos dragaos, el puertu tendrá que devolver nun periodu de tres años 48.000 metros cúbicos de sable a la redolada.

El 70% del sable dragao de la ría d'Avilés podría ser devuelto a la sablera yá que ye sable llibre de metal pesao o otros contaminantes, asegura l'Autoridá Portuaria d'Avilés. Esta sedría la solución mas vidable p’acatar la nueva normativa impuesta pol Ministeriu de Transición Ecolóxica.

Traer el sable de fuera, el bancu más cercanu ye'l de Vizcaya, o facer un proyectu de descontaminación son los dos úniques alternatives que baraxa Transición Ecolóxica. Daqué que dende'l puertu consideren invidable económicamente.

Aseguren dende l'Autoridá Portuaria d'Avilés que la cantidá que tendríen que reportar nun s'apreciaría na sablera yá que nun añu d'ivernaes pierde un 90% más de sable. Proponen que'l dineru invertío en traer sable de fuera se gaste n'ameyorar la redolada.

Antes les nueves condiciones, anguaño decidióse retardar el dragáu previstu pa setiembre. Va dragase en marzu de 2019 pa ganar tiempu y confiar en que'l Conseyu de Ministros revierta esta situación.