Webcams
Buscar
La Banda de Música d'Avilés ye una de les agrupaciones n'activo más antigües d'Asturies
Una Banda de Música de Avilés es una de las agrupaciones en activo más antiguas de Asturias
Ta formada por una trentena de músicos y dirixida por Xuacu Llaneza
La Banda de Música d’Avilés nace n’ochobre de 1890 por alcuerdu plenariu pa dotar a la villa d’una agrupación musical, pa poner música na Selmana Santa, nes fiestes y nos quioscos de los parques de la ciudá. Dende entós hasta güei, 132 años dempués, nun dexó de facer sonar los sos instrumentos.
Elena Muñoz ye la presidenta de la Banda de Música d’Avilés. Esplica que nos años 80 la entidá tuvo a piques de desapaecer dempués d’una crisis presupuestaria. Dexó de ser municipal y pasó a ser una asociación cultural independiente del Ayuntamientu.
Güei fórmenla una trentena de músicos, dalgunos veteranos como Berta Rivas, qu’entamó tocando’l clarinete va 38 años na agrupación y agora toca’l fagot.
Tamién ta formada por mozos y moces y nueves incorporaciones que lleguen a la banda pa esfrutar faciendo música. Porque les puertes de la so sede d’ensayos tán abiertes a tol mundu.
Una agrupación pela que pasaron nestos 132 años más de 15 directores. L’últimu en tomar les riendes foi Xuacu Llaneza, que llegó n’avientu del añu pasáu.
La Banda de Música d’Avilés que ye una de les agrupaciones musicales n’activo más antigües d’Asturies y lleva con arguyu’l nome de la so ciudá nes miles d’actuaciones que nestos años, interpretaron los sos diferentes músicos.
