La Cámara de Comerciu d'Uviéu va acoyer una xornada de donación de sangre

Enfotu en que la Feria de Muestres d'Asturies suponga un sofitu a la donación

La sede de la Cámara de Comerciu d'Uviéu va acoyer una xornada de donación de sangre, según recueye'l conveniu de collaboración roblen esti xueves pola entidá cameral cola Federación de Donantes de Sangre d'Asturies y el Centru Comunitariu de Sangre y Texíos d'Asturies. Una iniciativa que busca medrar la recoyida de sangre nel Principáu, onde se necesiten alredor de 2.000 bolses diaries.

La directora xerente del Centru Comunitariu de Sangre y Texíos d'Asturies, María Teresa Díaz, sorrayó que l'alcuerdu va sirvir pa promocionar y concenciar a la sociedá asturiana sobro la importancia de la necesidá de ser donante.

La collaboración cola Cámara de Comerciu abre una "puerta más" p'ampliar la recoyida de sangre. La so donación supón un xestu "responsable, comprometíu, necesariu, solidariu y altruista".

Díaz espresó'l so enfotu en que la celebración de la Feria de Muestres d'Asturies, que se celebra'l próximu mes d'agostu en Xixón, suponga un sofitu, como lo ta siendo'l maratón de recoyida qu'estos díes lleva alantre n’Avilés. Les sos cifres provisionales superen les doscientes muestres.