La Cátedra Coxersa ábrese al públicu p'amosar los beneficios de la economía circular

El Principáu trabaya pa qu'Asturies duplique l'índiz de circularidá d'equí a 2030

El Gobiernu del Principáu trabaya pa qu’Asturies duplique l’índiz de circularidá d’equí a 2030. Un índiz que s’asitia agora nel 10%, dos puntos per baxo de la media nacional, y que mide la cantidá de materiales y enerxía que vuelven al procesu productivu.

Pa ello, l’Executivu confía n’aprobar enantes de qu’acabe l’añu la estratexa d’economía circular. Dos oxetivos que fueron señalaos pol vicepresidente Juan Cofiño na presentación de la segunda 'Selmana de la Circularidá' entamada pola Cátedra Coxersa de la Universidá.

Dende güei y hasta’l llunes viniente hai programaes diferentes actividaes p’amosar los beneficios de la economía circular tanto pa la sociedá como pal texíu productivu.​