Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 28 de xunu. 2019 15:58

La Conseyería llanza un programa pilotu de teleasistencia con sensores

Uno de los usuarios de la teleasistencia con sensores implantada en 25 viviendas de alquiler
La Conseyería llanza un programa pilotu de teleasistencia con sensores

Usuarios de 25 viviendes d'arriendu yá esfruten d'esti serviciu n'Asturies

La Conseyería de Servicios y Derechos Sociales contempla ampliar un programa pilotu de teleasistencia con sensores. Pel momentu, tán usándolu 25 usuarios de viviendes n'arriendu del Principáu.

Los sensores detecten si la persona nun se llevanta de la cama o si socedió daqué raro dientro la vivienda. El programa usa la tecnoloxía pa ganar inmediatez, con población avieyao que vive solo.

Luis Regueras tien 64 años. Dio-y un ictus fai ocho cuando vivía en Tinéu. Agora muévese en siella de ruedes, pero ye dafechu autónomu. Vive solu, nun pisu de La Corredoria, n'Uviéu, y quier siguir asina. Nun s'imaxina nuna residencia.

Dacuando, dan-y desvanecimientos. Y colos sensores, si nos sos vezos se detecta una anomalía llámenlu pa constatar que ta bien. Fueron dos vegaes les que tuvieron que dir a rescatalu. Lo qu'a Luis más-y sosprende ye que los servicios d'asistencia consiguen entrar na so casa como si fueren lladrones.

Un total de 250 persones dexen, cada añu, les viviendes n'arriendu del Principáu porque muerren o porque acaben ingresando nuna residencia. Esti programa plantégase como una alternativa a la segunda opción.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL