La EPI estrena'l grau d'inxeniería de datos

Juan Carlos Campo señala l'alta empleabilidá del grau

La Escuela Politécnica d'Inxeniería de Xixón (EPI) va estrenar el próximu cursu escolar el nuevu grau de ciencia y inxeniería de datos col qu’entama un camín p’asitiar a la Universidá d'Uviéu nel sieglu XXI y nel lideralgu de los grandes tresformamientos de la sociedá.

El grau, de cuatro años y 240 creitos, va impartise na EPI, unu de los "grandes" campus de la Universidá d'Uviéu, afirmó'l rector, Ignacio Villaverde, na presentación de los estudios nel Aula Magna del campus xixonés.

Con estos estudios entama’l camín d'asitiar a la universidá "dafechu nel sieglu XXI" y liderar los grandes tresformamientos de la sociedá del sieglu XXI, qu'esixe l'esfuerzu de tar al altor de retos como la intelixencia artificial, señaló'l rector.

Con 61 places ufiertaes, el grau va formar a los alumnos n'intelixencia artificial, reconocencia de testos, visión artificial y disciplines de máxima actualidá nel ámbitu tecnolóxicu y va cuntar con un programa de práctiques "mui potente", afirmó'l director de la EPI, Juan Carlos Campo.

Como puntu fuerte ufierta una alta empleabilidá, esplicó Campo, que dixo que los egresaos tienen "mui bonos sueldos".​