La Fundación Osu Pardu enseña cómo percorrer los montes qu'habita l'osu

El videu busca ameyorar la seguridá, tanto de la especie como de les persones

La Fundación Osu Pardu promueve un videu, dientro del proyectu LIFE Osos con Futuru, nel qu'aconseya cómo percorrer los montes nos qu'habita esti animal, col envís d'ameyorar la seguridá, tanto de la especie como de les persones.

El videu ta fechu con técniques tradicionales y con tratamientu imaxe a imaxe, pa recrear con más fidelidá los movimientos naturales de los personaxes y los animales, según informó la Fundación Osu Pardu en nota de prensa. Tamién aborda los encamientos d'actuación énte l'alcuentru con un osu, inclusive anque hubiera una carga o "una mui escepcional" situación d'ataque, ante la qu'alvierten que nunca se debe reaccionar de forma agresiva o dando voces, o intentar un acercamientu, porque l'animal identifícalo como una amenaza.