La Fundación Vinjoy, Medaya d'Oru de la Ciudá d'Uviéu

Distinguida pol so llabor "desinteresáu" na atención a los demás

El plenu del Ayuntamientu d'Uviéu decidió esti martes por unanimidá conceder la Medaya d'Oru de la Ciudá a la Fundación Vinjoy pol so llabor "desinteresáu" na atención a los demás.

Esta distinción foi aprobada nun plenu estraordinariu convocáu pa distinguir a esta organización nel centenariu de la so fundación y pol so trabayu coles persones sordes, con problemes de salú mental y mozos y moces en situación de desamparu, ente otres actuaciones.

Esta organización, qu’entamó la so xera va más d'un sieglu con güérfanos desvalíos, foi premiada polos sos "servicios de calidá" apurriendo soluciones a los "problemes concretos" que se rexistren na sociedá.