Protesta de los camioneros na 'Y'

La Guardia Civil escolta a 251 vehículos nes postreres 24 hores n'Asturies

Dende primer hora d'esta mañana los tresportistes transiten amodo pela 'Y' n'Asturies, nel octavu día de fuelga. Quieren visibilizar el so conflictu tamién na principal vía de comunicación del Principáu.

Circulen dende y hacia les distintes ciudaes, dacuando provocando caravanes como forma de protesta. En dellos tramos atopáronse col sofitu de los ciudadanos.

Ventiún persones fueron identificaes nes postreres 24 hores n'Asturies por cuenta de la fuelga del tresporte de mercancíes per carreteres ensin qu'hubiere incidentes graves.

Les Fuerces y Cuerpos de Seguridá del Estáu escoltaron a otros 41 convóis, que sumaben 251 camiones y furgonetes, a pidimientu de les empreses asturianes pa saltar l'acción de los piquetes nesta octava xornada de fuelga convocada pola Plataforma pa la Defensa del Sector de Tresporte de Mercancíes per Carretera.