Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 19 de febreru. 2020 15:33

La Xunta refuga ampliar los permisos de maternidá de funcionarios a 20 selmanes

Padres, madres e hijos en el campo asturiano
La Xunta refuga ampliar los permisos de maternidá de funcionarios a 20 selmanes

La propuesta de los populares contó col refugu de PSOE y IX

El plenu de la Xunta Xeneral del Principáu refugó güei la toma en consideración d’una proposición de llei del PP p’ampliar de 16 a 20 selmanes el permisu de maternidá y paternidá de los funcionarios del Principáu dende 2021.

La propuesta de los populares foi refugada polos grupos parllamentarios del PSOE y IX, Ciudadanos optó pola abstención, mientres que Podemos, Foro y Vox sofitáronla.

La iniciativa, que tendría un costu aproximáu de 1,5 millones d’euros al añu, proponía’l cambéu de la Llei 3 de Función Pública del Principáu, col propósitu de favorecer la medría poblacional d’Asturies y la conciliación de la vida familiar y llaboral de los funcionarios.

El testu del PP defendía acabar coles desigualdaes retributives, de mou que se perciba’l 100% de les fixes y un porcentaxe de les variables nos supuestos de permisos de partu, adopción, acoyimientu, riesgu d’embaranzu o riesgos na lactancia o d’incapacidá temporal por mor del estáu de xestación.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL