La Misa Asturiana de Gaita sentiráse per primer vegada nun templu fuera d’España, en Roma

La Fundación Valdés Salas intentará qu’esta particular eucaristía resuene en San Patricio en Nueva York

Últimu ensayu enantes d’un viaxe mui especial hasta’l corazón de Roma. La Basílica de Santa María la Mayor de la capital italiana sedrá’l primer templu fuera d’España que sentirá una Misa Asturiana de Gaita.

Como intérpretes, el coru del 'Taller Lolo Cornellana', qu’impulsa la Fundación Valdés Salas. 16 sedrán los intérpretes. Ente ellos, los solistes Mariluz Cristóbal Caunedo y Pepe’l Molín. A la gaita, Xaime Menéndez y Llorián García Flórez. Dirixe’l maestru Joaquín Valdeón.

La Misa de Gaita ye Bien d’Interés Cultural dende 2014. La Fundación Valdés Salas lleva años proponiendo la so declaración como Bien Inmaterial de la Unesco, pa que se conoza más fuera de les nuestres llendes.

L’Arzobispu d’Uviéu, Jesús Sanz Montes, presidirá la ceremonia. Roma nun sedrá l’únicu viaxe al estranxeru, yá se trabaya pa que la Misa Asturiana resuene nel día de San Patricio en Nueva York.