La Reserva Natural de Barayo yá lluz el so meyor aspeutu

Concluyen los llabores de rexeneración tres meses de trabayu

Tres meses de trabayu, remataron los llabores de rexeneración de la Reserva Natural de Barayo, ente Valdés y Navia, pa garantizar el so conocíu sistema dunar.

Desaniciáronse más de 250 pinos y especies invasores, y sustituyéronse por otres más acordies col enclave, como'l Barrón. Llantáronse más de 10 exemplares. Ye una especie qu'ayuda a refacer el terrén, mui deterioráu nos últimos tiempos polos temporales.

Gracies al proyectu européu Arcos Life, nel que collabora la Universidá d'Uviéu, intentó revertise esta situación, sobre manera los daños nes dunes. La mar y el vientu deteriorárenles, creando parés de gran altor que frenen la entrada de sable. Agora suavizáronse les rimaes.

El proyectu tamién restauró otros enclaves de la rexón, como Verdicio o Vega, y más allugamientos de Cantabria y País Vascu.