La Universidá Ingenium entama'l so camín n'Uviéu con presencia de 10 países

Ingenium promocionará la movilidá y fadrá programes grau, máster y doctoráu a comuña

Diez universidaes de la Xunión Europea (XE) aliáronse esti martes n'Ingenium, un proyectu que naz de l'ambición de meyorar la cooperación interuniversitaria existente ente les instituciones asociaes y avanzar p'acometer los desafíos qu'enfrenten les instituciones y el sistema d'educación superior, col envís de ser un referente internacional de l'anovación, el pensamientu críticu y la ciencia y investigación d'alta calidá.

Representantes d'estes 10 universidaes aconseyaron n'Uviéu pa entamar oficialmente los trabayos que dexen desendolcar un supercampus universitariu espardíu per 10 países con idiomes diferentes col envís de promover la cooperación internacional.

Les universidaes de Ciencies Aplicaes de Karlsruhe (Alemaña), de Medicina de Sofía (Bulgaria), d'Uviéu (España), de Ciencies Aplicaes del Sudeste de Finlandia (Finlandia) de Rouen-Normandie (Francia), de Creta (Grecia), Tecnolóxica de Munster (Irlanda), "Gabriele d'Annunzio" de Chieti-Pescara (Italia), Técnica "Gheorghe Asachi” d'Iași (Rumania) y de Skövde (Suecia) formen esta "fusión fría que percuerre la xeografía europea d'estremu a estremu", según resaltó'l rector de la institución académica asturiana, Ignacio Villaverde.