La Universidá Nacional d'Educación a Distancia cumple 50 años

La UNED inaugura'l cursu con dos nueves titulaciones, el Grau d'Inxeniería de la Enerxía y el d'Educación Infantil

La UNED entamó cursu con 4.500 matriculaos nes 30 titulaciones qu'ufierta n'Asturies. Dos d'elles nueves: el Grau n'Inxeniería de la Enerxía y el grau n'Educación Infantil, qu'algamó un gran interés.

Nel cursu 2021/2022 llograron el títulu de grau 166 alumnos. Psicoloxía, Derechu, Trabayu Social y Hestoria del Arte son les carreres que más demanda tienen. En 2017 empezó a impartise Criminoloxía, tamién con muncha aceptación. Pero la ufierta de títulos entá va ser mayor nel futuru.

La media d'edá de los egresaos ye de 37 años, con un perfil de situaciones bien variáu.

Amás de los graos el centru acomuñáu d'Asturies ufierta 76 másteres, doctoraos y 800 títulos de formación permanente. Según la UNED Sénior, pa mayores de 55 años. Un programa presencial que nun necesita titulación previa y que cunta con una gran demanda.