La Universidá d'Uviéu abre'l cursu apostando pol futuru ensin escaecer la pandemia

Cerca de 20.000 alumnos van empecipiar el nuevu cursu universitariu n'Asturies

La Universidá d'Uviéu inauguró güei'l cursu académicu 2021-2022 con un actu celebráu nel Paraninfu del Edificiu Históricu, nel que'l rector, Ignacio Villaverde, apostó por mirar al futuru ensin escaecer los esfuerzos y sacrificios llevaos alantre na pandemia.

L'apertura del cursu, que recuperó l'escenariu del Paraninfu, cuntó cola intervención del conseyeru de Ciencia, Innovación y Universidá, Borja Sánchez, y cola llectura inaugural al cargu de la catedrática del Área de Xeodinámica Esterna, Montserrat Jiménez, que trató sobre "Xeoloxía y cambeos globales: relatos de xelu efímero".

Villaverde, enantes del entamu del actu, afitó los oxetivos "bien inmediatos que tienen qu'ayudar a ufiertar a la comunidá universitaria les blimes que dexen asumir el tresformamientu que va faer la entidá nel so conxuntu", liderada por un equipu rectoral que quier acometer nesti primer trimestre la propuesta de "gran cambéu organizativu de mano l'añu que vien cola relación de puestos de trabayu".