La Universidá d'Uviéu estudia afitar nuevos cursos nel noroccidente asturianu

La xunta del Conseyu Rectoral va aprobar la convocatoria añal d'unos 100 profesores

La Universidá d'Uviéu estudia afitar nuevos cursos d'estensión universitaria nel noroccidente asturianu. Asina lo dixo esta mañana'l so rector n'A Veiga, onde güei se celebra de manera escepcional la xunta selmanal del Conseyu Rectoral.

Nesa xunta aprobaráse la convocatoria añal de contrataciones de profesores, que va rondar el centenar de places, pa cubrir baxes o xubilaciones. Va apostase por remocicar la plantiya.

La Universidá yá ta trabayando na planificación del próximu cursu y na puesta en marcha de convocaries d'investigación.