La Universidá d'Uviéu habilita seis sales pa muyeres lactantes

Respuenden al compromisu recoyíu nel II Plan d'Igualdá de la Universidá d'Uviéu

La Universidá d'Uviéu abrió seis sales de lactancia pa sacar y caltener lleche materno distribuyíes per tolos campus universitarios (Uviéu, Xixón y Mieres) que van tar disponibles pal so usu a demanda por toles muyeres lactantes de la comunidá universitaria (personal d'alministración y servicios, personal docente y investigador y estudiantáu).

Estes nueves sales de lactancia de la Universidá d'Uviéu fueron presentaes güei nel Campus de Mieres nun actu que cuntó cola presencia del rector Ignacio Villaverde, y la directora del Área d'Igualdá, Paz Menéndez Sebastián.