La Universidá d'Uviéu proyecta dar clases nel metaversu

El proyectu quier que los estudiantes de Medicina puean dar dalguna de les sos clases de forma virtual

Una clase d'anatomía nel Metaversu. Paez del futuru, pero nun ta tan lloñe. La Universidá d'Uviéu ta dando los primeros pasos pa que seya una realidá l'añu que vien na Facultá de Medicina.

Ye solo unu de los proyectos sobro la mesa nuna etapa onde'l tresformamientu dixital ye prioritaria. L'equipu encargáu d'esti área na Universidá d'Uviéu reconoz que la pandemia consiguió en díes camudar vezos que costara años.

Anguaño hai dos aules virtuales na Facultá de Profesoráu, que dexen la docencia online y llueu va instalase una más na Escuela Politécnica d'Inxeniería de Xixón, onde s'imparte'l grau en ciencia y inxeniería de Datos, que ye semipresencial. Pal futuru, reconocen, la demanda de la sociedá ye esa.

Amás, la Universidá d'Uviéu va anovar el so portal web dempués de 10 años. Espérase que la nueva páxina, con un diseñu más llimpiu y un buscador más áxil tea disponible na primera quincena de marzu.