La Universidá d'Uviéu tendrá un puestu llibre ente estudiantes con enseñanza presencial

La recomendación ye que se tengan les ventanes y puertes abiertes

El nuevu escenariu verde yá en vigor na Universidá d’Uviéu contempla la posibilidá d’ocupar les clases al 100% y nun afita una distancia mínima interpersonal. Sí recomienda, siempres que seya posible, "la distancia examen", con un puestu llibre ente estudiantes.

La distribución de clases y grupos fadráse cola máxima distancia posible y el menor númberu d’ocupación. De nun poder asegurar la ventilación l’actividá presencial nun podrá esceder una hora. La recomendación ye que se tengan les ventanes y puertes abiertes de tolos espacios universitarios nos que yá se puen facer un usu dafechu.

Lo que sedrá obligatorio ye la mazcarina homologada y siguir les señalización d’entrada. Pondráse especial procuru, según la nueva instrucción, nes aglomeraciones de más de seis persones n’espacios zarraos y cambeos de clase nos que nun se pue asegurar la distancia de 1,2 metros.

Nos colexos mayores y residencies podrán utilizase los cuartos compartíos, siempres que los sos usuarios tean inmunizaos o la vacuna completa.
​