La Universidá piensa entamar en 2022 la residencia d'estudiantes de Xixón

El rector Ignacio Villaverde aconceya cola alcaldesa de Xixón

La Universidá d’Uviéu piensa llicitar esti añu’l proyectu de construcción de la nueva residencia d’estudiantes de Xixón, de manera que les obres puean entamar en 2022.

Asina lo afirmó’l rector de la Universidá d’Uviéu, Ignacio Villaverde, dempués de tener una xunta cola alcaldesa de Xixón, Ana González, na que les dos instituciones acordaron reforzar el so trabayu a comuña.

La Universidá yá acabó’l plan de viabilidá de la futura residencia universitaria, primer pasu pa sacar el proyectu a llicitación, que’l rector piensa llanzar esti añu si nun hai una causa de fuerza mayor.