La Universidá y ArcelorMittal estrechen llazos como socios estratéxicos

Avilés acueye la xornada 'Centros Tecnolóxicos conocen les Competencies de la Universidá d'Uviéu'

El rector de la Universidá d'Uviéu, Ignacio Villaverde, calificó esti xueves de “momentu cuasi históricu” la meyora na interacción con ArcelorMittal como socios estratéxicos.

El rector indicó que, anque ye verdá que dende va munchos años esiste relación con ArcelorMittal, “yeren relaciones mui puntuales, mui focalizaes y mui pal casu concretu”.

Villaverde, que participó n'Avilés nuna xornada d'alcuentru ente la Universidá d'Uviéu y ArcelorMittal, agradeció a la siderúrxica que tuviera la iniciativa d'avanzar nesa estratexa de collaboración, “bien centrada en disrupción, n'innovación y, poro, en futuru”.

“Tamos bien agradecíos, amás, pol gran enfotu que depositaron nel nuesu potencial y capacidá científica, y porque sedría incomprensible que cola gran empresa que ye ArcelorMittal n'Asturies nun fuéremos nós un sociu estratéxicu dende'l puntu de vista de la innovación. Por eso tamos bien ilusionaos”, declaró Ignacio Villaverde.