L'ayuda asturiana yá ta en manes de les autoridaes ucraínes

L'ayuda humanitaria recoyida n'Asturies por 'Nómadas en Acción' llega a Ucraína

Dempués de tres díes de viaxe y cinco hores de trámites na llende, l’ayuda humanitaria recoyida n’Asturies pola organización 'Nómadas en Acción' llegó esta madrugada a Ucraína.

El primer camión, cargáu de comida, ropa y medicamentos que salió d’Asturies descargó les 25 tonelaes d’ayuda humanitaria.

Cuatro persones esperaben nel puntu d’alcuentru con un camión grande y dos furgonetes nos que cargaron los 27 pallets que tresportaba’l tráiler d’IFT cola ayuda humanitaria.

L’equipu de TPA Noticies formáu por Leonor Suárez y Alberto Hevia foi testigu de la entrega. Les autoridaes ucraínes agradecieron la solidaridá del pueblu asturianu.