La vicepresidenta del Principáu y conseyera de Presidencia, Retu Demográficu, Igualdá y Turismu, Gimena Llamedo, sustituirá a la conseyera de Salú, Concepción Saavedra, na so ausencia por enfermedá, según asoleya esti miércoles el Boletín Oficial del Principáu d’Asturies (BOPA).
Saavedra ta de baxa por un problema oncolóxicu, según apuntó nes sos redes sociales el presidente del Principáu, Adrián Barbón, que-y deseó "muncha fuerza" en "esti altu nel camín que tien que facer por motivos de salú", y confió en que tea de vuelta "mui pronto".
Saavedra (Lugo, 1967) asumió la Conseyería de Salú al entamu de la presente llexislatura, dempués de que na anterior ocupare la dirección-xerencia del Serviciu de Salú del Principáu (Sespa) y enantes la Dirección Xeneral de Planificación Sanitaria de la Conseyería de Sanidá.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL