La convocatoria d'una oposición en día lectivu va dexar a los centros ensin educadores, según Suatea

El sindicatu pide una mayor coordinación ente Función Pública y la Conseyería d'Educación

Suatea denuncia que'l próximu miércoles alumnáu con necesidaes educatives especiales nun van tener atención. El motivu ye que pa esi día tán convocaes les oposiciones de los auxiliares educadores.

La coincidencia del procesu de selección con una xornada lectiva va provocar, según el sindicatu, que dellos centros vean amenorgaes les sos plantiyes nun 80%.

Suatea recuerda que'l papel de los educadores ye indispensable pa estos alumnos y pide una mayor coordinación ente Función Pública y la Conseyería d'Educación.