La faba asturiana busca proyección internacional

Ayer acueye'l I Congresu Rexonal de la Faba Asturiana

La faba asturiana busca proyección internacional. De les sos bondaes nutricionales va falase esta selmana nel I Congresu Rexonal de la Faba Asturiana que se desarrolla yá na Escuela d'Hostelería del IES Valle d'Ayer.

Va haber clases maxistrales al alumnáu de FP de los Ciclos Formativos d'Hostelería nun congresu que foi posible gracies a un programa d'innovación educativa del Ministeriu.

La producción de faba asturiana en 1995, cuando llogró'l so sellu de calidá, yera de 23 tonelaes. Güei xube a 240 tonelaes.