La presión asistencial y los ingresos por gripe menguaron, según el Principáu

La incidencia de la epidemia aumentó en xineru

La presión asistencial y los ingresos causaos pola epidemia de gripe menguaron na tercer selmana de xineru según una nota del Principáu. Los datos epidemiolóxicos amuesen que la incidencia de gripe aumentó de manera significativa na segunda selmana de xineru y algamó una tasa de 471 casos por cada 100.000 habitantes, intensidá que se considera media.

Según el sindicatu médicu profesional y d'enfermería Satse la presión asistencial sigue siendo alta anque menor que la rexistrada tres el periodu vacacional y con respecto al entamu d'esta selmana.

Entá asina aseguren que l'Hospital Valle del Nalón ta enllenu y 17 pacientes d'urxencies aguarden cama. Enllenu ta tamién l'Álvarez Buylla de Mieres, aseguren.

El Simpa conseña que la falta de médicos de primaria ta faciendo que los enfermos vayan a Urxencies y pide al Principáu qu'habilite pela tarde y de forma voluntaria consultes pa l'atención primaria.