Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 31 de xineru. 2021 17:26

Les muyeres de les clases obreres de les primeres décades del sieglu XX nun dexaben de trabayar al ser madres

Fotografía de mujeres de principios del XX trabajando en fábricas en Asturias
Les muyeres de les clases obreres de les primeres décades del sieglu XX nun dexaben de trabayar al ser madres

L'ensayu de la historiadora asturiana Sonia García Galán llega a les llibreríes

Les muyeres de les clases obreres de les primeres décades del sieglu XX nun dexaben de trabayar al ser madres. Ye una de les conclusiones de la historiadora asturiana Sonia García Galán. L'ensayu col que ganó'l Premiu Rosario d'Acuña en 2014 acaba d'asoleyase como llibru.

La güela de Sonia García Galán, a quien dedica'l llibru, trabayaba na fábrica de conserves d'El Natahoyo. Como ella había bien de muyeres trabayadores, pero'l so llabor nun apaez nos censos.

Galán llucha escontra un tópicu. Nin toles muyeres yeren antes ames de casa nin dexaben de trabayar al ser madres.

Amás d'en archivos, investigó en prensa de la dómina. L'estudiu céntrase nes primeres tres décades del sieglu XX y allúgase en Xixón.

Galán caltién que'l problema de la conciliación nun ye daqué nuevo y defende que la incorporación que sí ye recién ye la de la muyer universitaria, porque antes nun la dexaben.

Miembru del grupu Demeter de la Universidá d'Uviéu qu'estudia la Hestoria de la muyer ve cómo nel momentu actual repítese lo de siempre.

El so ensayu, ganador del Premiu Rosario d'Acuña d'investigación en 2014, llega agora a llibreríes.​

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL