La nave de cañones de la Fábrica d'Armes de La Vega acueye la feria asturiana de defensa

Una oportunidá de ver les últimes novedaes del sector

La nave de cañones de la Fábrica d'Armes de La Vega, n'Uviéu, acueye hasta mañana la feria asturiana de defensa. Una oportunidá de ver les últimes novedaes del sector y les aportaciones qu'esta industria fixo a l'anovación na sociedá.

Na feria pue vese l'hospital del futuru. Dexa imprimir en 3D material quirúrxico, repuestos o prótesis según necesidaes. Ta aplicándose yá nel ámbitu militar, con estos llaboratorios portátiles desenvueltos por una empresa asturiana, esplica Paula Queipo, directora del Centru d'Operaciones d’Idonial.

Tecnoloxía que trescendió del ámbitu militar al civil son los simuladores, qu'agora s'usen por casu na formación de palistes d'obra, esplica Juan Castillo, director IT d'Excae.

L'anovación en texíos pa material del Exércitu llega tamién a actividaes cotidianes, señala Javier Ruiz, teniente del Reximientu Príncipe númberu 3.

Exemplos de la contribución a la sociedá por parte de la industria de la Defensa. Un sector en puxu n'Asturies que s'abre al públicu nesta feria de dos díes y qu'inclúi visites guiaes, esposición y talleres.