El sistema global de navegación per satélite gana tarrén na construcción

La inxeniería xeomática facilita l'actuación n'argayos de difícil accesu, avezaos n'Asturies

La maquinaria d’obra guiada per sistemes satelitales ta cada vegada más presente nel sector de la construcción. Gracies a la inxeniería xeomática, les obres d’emerxencia volviéronse más precises y segures.

El sistema instaláu dexa conocer en tiempu real la posición precisa del brazu y de la pluma de la escavadora. Ríxese por tres sensores qu’usen la localización GPS de los Estaos Xuníos, la rusa Glonass, la china Beidou y la europea Galileo. Con ello, algámase una reproducción exacta del tarrén y de la maquinaria.

L’usu d’esta tecnoloxía en máquines escomanaes facilita l’actuación n’argayos de difícil accesu. Un tipu d’obra d’emerxencia que suel necesitase n’Asturies en temporada de lluvia.

El sistema global de navegación per satélite tamién se ta aplicando nes obres d’urbanización de la parcela d’Amazon en Siero.