La intelixencia artificial podría implantase en delles empreses asturianes en 2020

Xornada de trabayu del Club de calidá en collaboración con Capsa Food

Unu de los temes que se trataron na xornada de trabayu entamada pol Club de calidá en collaboración con Capsa Food, ye la implantación d'intelixencia artificial en delles compañíes del Principáu.

Espertos nesta materia treslladaron a miembros d'una ventena d'empreses d'Asturies les claves pa consiguilo. Ente elles, la reconocencia intelixente d'imáxenes o l'usu de robots.

Aseguren que'l desenvolvimientu de la intelixencia artificial nun se llenda namás al sector industrial y pue ser aplicable a prácticamente toles empreses.

Nel alcuentru, intercambiaron esperiencies col envís d'entamar a dar los primeros pasos y inxertar estos mecanismos nes empreses de manera plena.