La investigación apunta a que la muerte del mozu nel Boombastic foi por una imprudencia

Lastra destaca'l "estraordinariu llabor de vixilancia y d'investigación" de la Guardia Civil tres el socesu

La investigación abierta pa esclariar la muerte tres golpiase na cabeza cola noria allugada nel festival musical Boombastic apunta a que foi por un "tráxicu accidente" y una "imprudencia qu'acabó d'una manera fatal".

Asina lo señaló esti llunes la delegada del Gobiernu n'Asturies, Adriana Lastra, en respuesta a entrugues de los periodistes sobro los trabayos llevaos alantre pola Guardia Civil, que fizo un "estraordinariu llabor de vixilancia y d'investigación" tres el socesu.

La delegada del Gobiernu unvió un "fuerte abrazu" a la familia y amigos del mozu y afitó que'l Boombastic, qu'axuntó tres díes a cerca de 55.000 persones nel recintu ferial de La Morgal, ye un festival "seguru".