La llucha escontra quemes complicóse nos últimos años pola so gran magnitú

Xornada sobre evolución de les quemes forestales en Cangas

En Cangas alderícase güei sobre la evolución de les quemes forestales nes últimes décades y los nuevos modelos de xestión que son necesarios.

Una xornada entamada pol Grupu de Desenvolvimientu Rural Altu Narcea Muniel.los, que cuntó con espertos d'otres comunidaes autónomes, pa esponer los nuevos enfoques nos que se ta trabayando.

El cambéu climáticu y la despoblación rural tán detrás de los cambeos d'enclín que provoquen que delles quemes algamen una magnitú difícil d'abordar, más rápides, más intenses y más difíciles de controlar y prevenir.