Los más de los chiringuitos de titularidá municipal sí abrirán esti branu

Munchos ayuntamientos costeros compensen los gastos de caltenimientu de les sableres coles llicitaciones d’estos espacios

Los más de los chiringuitos municipales tarán abiertos esti branu. Nun sedrá una temporada fácil pa estos negocios, que s’enfrenten a munches incertidumes.

Los chiringuitos de playa son una fonte d’ingresos pa munchos ayuntamientos costeros, que compensen los gastos de caltenimientu de les sableres coles llicitaciones d’estos espacios.

Munchos contratos acaben d’axudicase o fadránlo nos díes vinientes, como los d’El Franco, Valdés, L’Arena o Gozón.

Dende mayu yá funciona’l de La Espasa, en Caravia, que foi axudicáu en febreru, enantes de la pandemia, por más de 40.000 euros, col so perxuiciu pa los sos titulares.

N’otros conceyos, dalgunos chiringuitos nun abrirán. Ye’l casu del de San Pedro, en Cuideiru, que de reanudase la llicitación nun podría axudicase hasta agostu, poro, el consistoriu decidió nun convocar el concursu.