La metá de los ascensores d'Asturies necesitarán dalgún tipu de reforma p'adaptase a la nueva normativa técnica

N'España hai 1.100.000 elevadores, el país con más de la Xunión Europea

Dende’l 1 de xunetu, cuando toque pasar la revisión d’un ascensor, los técnicos tendrán qu’aplicar la nueva normativa d’inspección, qu’inxerta midíes de seguridá adicionales apunta José Carlos Frechilla, director de la Federación empresarial española d’ascensores (Feeda).

La patronal estatal d’ascensores piensa que de los 30.000 elevadores qu’hai n’Asturies, aproximadamente la metá, necesitarán una adaptación ente moderada y fonda pa cumplir cola norma. Esta asociación empresarial tamién asegura que’l decretu da plazos amplios pa facer les reformes y les compañíes instaladores suelen ufiertar facilidaes de pagu a los propietarios. La nueva ITV de los ascensores tamién sedrá más estricta coles inspecciones caducaes.

Cuatro de cada diez ascensores n’Asturies son anteriores a 1995, lo que nun significa que nun tean actualizaos. N’España hai 1.100.000, el país con más elevadores de la Xunión Europea.