La multinacional británica Crimtan escueye Xixón como sede pal sur d'Europa

Crimtan cunta con delegaciones en San Petersburgo, Dubai, Singapur, Sídney, Tokio y Nueva York

La multinacional británica Crimtan, especializada en publicidá y mercadotecnia dixital, dio anuncia güei del so afitamientu n’Asturies, dende onde dirixirá los sos planes d’espardimientu nel mercáu nacional y la so medría nos países del sur d’Europa, dempués d’escoyer el Principáu, ente otros factores, pola cualificación universitaria asina como la valoración de la calidá de vida qu’ufierta Asturies pa los trabayadores.

La compañía desendolcará les sos actividaes pa España dende’l centru empresarial La Pipa, en Xixón, al traviés de la filial Crimtan Esp S.L. constituyida n’avientu, y que cunta anguaño con dos trabayadores.

De mano piensa crear 13 puestos de trabayu col envís de llegar a 24 trabayos nun plazu de tres años con una plantiya especializada en publicidá programática, analítica, ciencia de datos y intelixencia artificial.