La nueva directora xeneral d'Igualdá Nuria Varela da la so primer entrevista

Nuria Varela considera un error les palabres del arzobispu d'Uviéu na Misa de Cuadonga

El Principáu, al traviés de la nueva directora xeneral d'Igualdá, treslladó'l pésame a la familia y denunció'l triple asesinatu de Pontevedra que, denuncia, ye amuesa de que la violencia de xéneru nun ta menguando.

Na so primer entrevista tres aportar al cargu, Nuria Varela amosó'l so enfotu pa que n'Asturies les estadístiques de violencia de xéneru incluyan a toles muyeres y non yá a les maltrataes y asesinaes poles sos pareyes o ex-pareyes. La dependencia directa d'esta dirección d'igualdá del presidente del Principáu va facer de la igualdá, anuncia, una política tresversal con especial atención a la educación y a la prevención.

La directora xeneral d'igualdá considera un error les palabres del arzobispu d'Uviéu del pasáu Día d'Asturies na Misa de Cuadonga. Jesús Sanz Montes, recordamos, cargó escontra la "demagoxa feminista" y la persecución que, al so xuiciu, ta sufriendo la familia.