La pasarela del Pozu Fondón ta preparada pal accesu peatonal y la canalización del agua sacao de la mina

Una de les iniciatives más importantes del Principáu en materia d'enerxía renovable

Una grúa de gran tonelaxe allugó esta pasada nueche una pasarela sobre les víes del ferrocarril frente a la sede de la brigada central de salvamentu mineru nel Pozu Fondón, en Llangréu.

La estructura, de 15 metros y cuasi 10 tonelaes, valdrá d'accesu peatonal pero tamién pa la canalización del agua sacao de la propia mina.

El so allugamientu ye parte del plan de xeotermia del pozu llangreanu, un proyectu impulsáu por Hunosa que cuenta con un presupuestu de dalgo más de tres millones d'euros.

Ye una de les iniciatives más importantes en materia d'enerxía renovable de les impulsaes pol Principáu.