La patrulles Águila, Aspa y Papea van participar nel Festival Aereu Internacional de Xixón

El festival celebraráse'l 28 de xunetu

La XVIII edición del Festival Aereu Internacional de Xixón celebraráse'l 28 de xunetu a les 12:00 na playa de San Llorienzo y, ente les sos alicientes, va cuntar cola presencia de les patrulles Águila, Aspa y Papea del Exércitu del Aire, que per primer vegada van tar na ciudá'l mesmu día.

L'alcaldesa de Xixón, Carmen Moriyón, presentó esti xueves un eventu sobre'l que xira la programación de la Fiesta del Cielu y que se trata del decanu de los "certámenes aeronáuticos d'España", que nesta edición va cuntar con un "ambiciosu" programa y importante presencia de medios aéreos "militares, institucionales y civiles".

Moriyón resaltó qu'esti eventu contribúi a convertir la ciudá en "un puntu d'atención nacional y internacional" y ayuda a llograr un branu "intensu, atractivu y pa tolos públicos".