Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 28 de mayu. 2019 21:44

La producción ecolóxica ye cada vegada mayor en Bual

  Noelia García, gerente de una granja ecológica en Boal
La producción ecolóxica ye cada vegada mayor en Bual

Noelia García abrió va cerca de seis años una granxa ecolóxica nel conceyu

Noelia García abrió va cerca de seis años una granxa ecolóxica con daqué más de 300 pites y güei son más de 1.000 les que tien. Pitasana ye’l proyectu de vida d’una bualesa que, dempués de llicenciase n’imaxe y soníu, decidió probar suerte fuera del so conceyu natal allumando teatros nel País Vascu.

Quería volver a sentir lo que yera tar arrodiada de vida y poro, abrió’l so negociu en Bual, que nel so momentu convirtióse en precursor na fastera. Un modelu de granxa onde les pites tán en llibertá tol día.

La granxa diríxela cola so pareya, tamién de Bual. Dos mozos que fueron padres de Xurde. Los tres tán agora mui venceyaos a la naturaleza. La forma de criar a estos animales gusta na zona y tamién los productos que salen d’equí. La producción ecolóxica ye cada vegada mayor en Bual.

La producción ecolóxica llegó pa quedar. Noelia sábelo y la so intención ye siguir al pie del cañón, pero fiel a los sos principios de defensa del mediu natural.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL