La vuelta al pueblu impulsa la compraventa de finques

Un total de 11 families repobladores llegaron a Asturies anguaño

Les cifres amuésenlo, les tresmisiones de finques medraron esponencialmente nos postreros cinco años n'Asturies, pero sobre manera en 2021 disparáronse.

Según los datos del INE en xunu de 2022 hebo 1.127 transacciones na comunidá, daqué más d'un 38% respecto al añu anterior.

Ye la mayor medría del país en compraventa de vivienda tres Canaries. Si atendemos a les finques rústiques tresmitíes hebo hasta xunu más de 1.300 y cuasi 500 fueron por compraventa na nuesa comunidá.

Nes axencies aseguren que se debe al caltenimientu de precios y al teletrabayu.

Tamién nel programa Volver al pueblu noten qu'Asturies seduz ente quien cambia l'asfaltu poles caleyes.

Namás anguaño 11 families repobladores llegaron a Asturies col so asesoramientu pa facilitar asitiase a quien busca una nueva vida. Y asina integrase y combatir el despoblamientu.

Un total de 11 families repobladores llegaron a Asturies anguaño

Fai agora 9 años Victoria y Giovanni dexaron la Toscana y punxeron en marcha'l so suañu. Una hestoria que se cunta no que güei ye un centru d'arte, el PACA na zona de Veranes, con residencies artístiques o agospiamientu rural. Pero tamién el llugar de trabayu non solo artísticu.

Pero compensa y gánase en salú mental. Tamién Julia cambió Llugones por Somiedu y punxo un negociu. Exemplos de persones que lleguen pa muncho más que revitalizar los pueblos. Y asina llogren una sociedá y un territoriu más xuntu.