Les Ampas d’Uviéu dan anuncia de movilizaciones escontra’l recorte de dos millones d’euros del Ayuntamientu en beques

El Colexu Públicu Llorienzu Novo Mier yá convocó un actu de protesta nel centru

En dalgunos colexos, la recoyida de robles entamada poles Ampas d’Uviéu escontra los recortes en beques escolares del Ayuntamientu supera los 1.500 sofitos. Madres y Padres dan anuncia de más movilizaciones y faen un llamáu a les families p’amestase a elles. El Colexu Llorienzu Novo Mier yá convocó esti xueves un actu de protesta nel centru.

Dicen sentise engañaos pola conceyalía d’Educación, qu’aconceyó con seis Ampas, al empar qu’asoleyó la convocatoria de beques cola que’l colectivu nun ta d’alcuerdu.

Ente les movilizaciones que planteen, ta dir al Plenu Estraordinariu solicitáu por PSOE y Somos Uviéu p’aldericar de los recortes y que sedrá convocáu previsiblemente pa finales de mes.