Les bodes y funerales van llendase a la participación de los familiares y persones allegaes

L'Arzobispáu nun anunció la suspensión de la Selmana Santa pol coronavirus

Les bodes y funerales van llendase a la participación de los familiares y persones allegaes. Ye una de les midíes emitíes güei pol Arzobispáu pola pandemia del coronavirus, pero nun anunció la suspensión de la Selmana Santa.

Quien se vaya casar estos díes pola Ilesia va poder siguir faciéndolo anque amenorgando'l númberu d'invitaos. Lo mesmo ocurirá coles ceremonies pa exequies y funerales.

Tampoco se suspenden les mises, sacante nes residencies de vieyos.

L'Arzobispáu dexa en manes de los fieles que nun vayan de forma masiva y recuerda que les persones de riesgu tienen qu'abstenese dafechu y suxer la so participación al traviés de la televisión y otros medios telemáticos.

Nes lliturxes va evitase dar la mano o recoyer la oblea directamente na boca.

Les catequesis queden atayaes de forma presencial, como les clases de materies teolóxiques de los centros diocesanos.

Tamién queda suspendíu cualquier actu social como conferencies, conciertos, convivencies o retiros espirituales.

La Casa Sacerdotal tamién va suspender les visites a los residentes.