El nivel de Tresformación Dixital de les empreses asturianes ta entá naciendo. Asina lo afirmen dende’l Colexu d’Inxenieros Industriales d’Asturies que, alvierte, qu’encarar esi retu ye clave na supervivencia futura de les empreses.
La Oficina de Tresformación Dixital entró en serviciu nel mes d’abril, xestionada pol Colexu Oficial d’Inxenieros Industriales d’Asturies. No que va d’añu, dio sofitu a un total de 550 empreses d’Asturies en materia tecnolóxica y de madurez dixital. Con un oxetivu: optimizar los sos procesos y meyorar la productividá.
La Oficina centróse nes pymes y autónomos de la industria manufacturera d’Asturies, por representar el 22% del PIB autonómicu. Amás de les acciones de sofitu, entamáronse 57 xornaes y talleres poles que pasaron 1.050 empreses.
El serviciu ta financiáu en toa España con cinco millones d’euros de los Fondos Leader de la Xunión Europea.
N’Asturies, acabará n’abril del añu viniente, anque’l Colexu d’Inxenieros Industriales yá amosó la so intención de caltenela abierta.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL