Les residencies universitaries aumenten la so ocupación nel nuevu cursu

Lleoneses y estudiantes Erasmus, los usuarios más avezaos d'estos centros

El Colexu Mayor América yá ta cuasi completu, con 70 residentes; y el San Gregorio supera yá niveles de la prepandemia.

Significativu ye'l casu de Mieres, de los malapenes cinco estudiantes de va seis años, a los 20 colos que cunta anguaño.

Otres places dedíquense a programes d'intercambiu de profesoráu. Lleoneses y estudiantes Erasmus, los usuarios más avezaos d'estos centros.

La Universidá conxeló los precios de les residencies, tarifes que tán ente los 336 euros y los 517. Medren alredor de 150 euros, si ye media pensión y 300, si ye completa.

L'encarecimientu de los pisos, de la cesta de la compra y de la lluz ye una de les razones pa decantase por una residencia. Otres, los servicios y l'ambiente universitariu.

La cuarta residencia va ser la de Xixón. La Universidá sigue estudiando les ufiertes presentaes pal so desenvolvimientu.