Les vacunes frenen el carbunclu que, según los ganaderos, mató a 14 vaques

Dende'l Principáu afiten que'l biltu yá ta controláu

Los ganaderos afiten qu'esisten más casos de carbunclu en ganaderíes d'Onís, pero tamién del conceyu de Cangues d'Onís. Güei, nun control veterinariu de rutina en Benia dixéronnos que calculen que fueron polo menos 14 los exemplares muertos nos postreros 15 díes. Dicen, eso sí, que yá s'empezó a vacunar y que esto ta atayando'l biltu.

El Gobiernu del Principáu asegura que namás hai un casu confirmáu nuna ganadería d'Onís y qu'hai otros dos n'estudiu. Afiten que'l biltu d'ántrax ta controláu.

Los veterinarios aseguren que los años de seca son, precisamente, los más propensos pa qu'abonden esti tipu d'enfermedaes infeicioses ente la cabaña ganadera.