Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 3 de payares. 2017 19:45

Les escavaciones de L'Alloru confirmen que los homes del asturiense vivíen albentestate

Excavaciones en la cueva del Alloru
Les escavaciones de L'Alloru confirmen que los homes del asturiense vivíen albentestate

Los investigadores recuperaron hasta una quicena de picos asturienses

Les escavaciones arqueolóxiques na cueva L'Alloru, nel pueblu llaniscu de Valmori, confirmen lo apuntao va cuasi 100 años pol Conde de la Vega del Seya: los grupos humanos prehistóricos del asturiense vivíen albentestate en construcciones rudimentaries.

Guiaos pol asturianu Pablo Arias, los investigadores qu'estos díes trabayen nesti xacimientu alcontraron furacos de poste, con una antigüedá de 7.000 años enantes de Cristo, d'una d'eses construcciones asina como una gran densidá de picos asturienses, l'útil característicu d'estos grupos del Mesolíticu asentaos na costa asturiana.

Ente la campaña de 2013 y la d'anguaño, en L'Alloru recuperáronse hasta una quincena de picos asturienses, una cantidá que llamó l'atención de los investigadores. Al respective a la so utilidá, nun ta tan claro que, como siempre se dixo, los picos asturienses utilizábense pal marisquéu.

Les escavaciones en L'Alloru formen parte d'una investigación más grande al rodiu del pasu del Mesolíticu al Neolíticu y los entamos de l'agricultura na zona más oriental d'Asturies.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL