Les feries artesanes mengüen un 80% esti branu

Los espositores afirmen que les ventes mengüen más de la metá

La celebración de feries artesanes menguó aproximadamente un 80% esti branu. Les que se caltuvieron menguaron los sos puestos y el so aforu pola crisis sanitaria.

Los artesanos aseguren que’l tipu de públicu camudó. Hai menos estranxeros y menor nivel económicu ente los compradores.

Los artesanos de la Feria del Acebache de Tazones dicen que les ventes menguaron más de la metá.

Otra de les poques feries d’esti tipu que se caltuvo esti branu n’Asturies foi’l Mercáu Tradicional de Llastres, d’artesanía y alimentación.

Dalgunos reivindiquen la celebración d’estos mercaos con mayor normalidá.

L’acebache y l’artesanía marinera fueron de los pocos elementos que caltuvieron los mercaos de branu.​