Les residencies adopten midíes de procuru pa combatir les altes temperatures

L'oxetivu de los centros del ERA ye evitar desmayos y golpes de calor nos más mayores

Enfermeres y auxiliares ufiertando agua dacuando o caltener a los mayores nes sales climatizaes nes hores de más calor son dalgunes de les midíes llevaes alantre poles residencies del ERA pa combatir les altes temperatures. Por casu, los 90 residentes del centru de Llugones faen actividaes y xuegos albentestate nes hores más fresques del día.

Amás de los encamientos de la Conseyería de Salú, les residencies tienen protocolos internos énte golpes de calor y menús adaptaos que favorecen la hidratación y recuperación de sal mineral.

Anque les habitaciones nun tán climatizaes, los usuarios puen personalizales con ventiladores o aire acondicionao portátil pa sobrellevar meyor el calor.