El prindáu por apuñalar a un policía'l domingu n'Uviéu pasa a disposición xudicial

L'agresión foi na última xornada de les fiestes de San Mateo

El prindáu como presuntu autor de les dos puñalaes sufríes pela espalda por un axente de la Policía Nacional fuera de serviciu n'Uviéu pasó a disposición del Xulgáu d'Instrucción númberu 2 de la capital asturiana, informó'l Tribunal Cimeru de Xusticia d'Asturies.

El policía sufrió les puñalaes al rodiu de les 07:30 del domingu na cai Ildefonso Martínez, na última xornada de les fiestes locales de San Mateo, y tuvo que ser atendíu de les mancadures nel Hospital Universitariu Central d'Asturies (HUCA).

El policía agredíu, que nun diba uniformáu, pudo apurrir "detalles significativos" que llevaron a la identificación del presuntu agresor, según esplicaron ayeri dende la Xefatura Cimera de Policía d'Asturies.