Llimpieza de calces n'Oriente y Occidente

Xornada mediuambiental na contornada de Los Picos d'Europa, El Prau del Molín y El Ríu Narcea

Xornada de llimpieza en dalgunos calces asturianos. En Cabrales, mediu centenar de persones quitó basura d’un tramu d’El Ríu Casañu, ún de los ríos de la contornada de Los Picos de Europa. En Cangas del Narcea, la llimpieza centróse na contornada d’El Prau del Molín y El Ríu Narcea.

Cerca de mediu centenar de voluntarios citáronse nel parque de Po onde, dempués recibir material como sacos y guantes, y tres xuntase en pequeños grupos, entamaron la llimpieza de les dos veres d’El Ríu Casañu na contornada d’esti pueblu cabraliegu.

Los participantes, que calzaben botes d’agua, nun duldaron en metese nel ríu pa llimpiar dalguna pequeña islla. Fierro, pero sobre manera plásticu, fueron los principales residuos que se sacaron del Casañu.

Ente los participantes, de toles edaes, neños y neñes que tien claro cómo nomar a los que tiren basura al ríu.

Satisfacción ente los entamadores pola bona rempuesta vecinal a esta iniciativa inxerta dientro del proyectu Life Divaqua.

Tolos residuos quitaos pela mañana acabaron nun contenedor que Coxersa punxo a disposición de los voluntarios nel parque de Po nuna actividá na que tamién collaboraron l’asociación turística Destín Cabrales y l’Ayuntamientu.

En Cangas del Narcea, xornada mediuambiental tamién na contornada d’El Prau del Molín y El Ríu Narcea.

Convocaos pol Grupu de Desendolcu Rural Altu Narcea Muniel.los, unos 40 voluntarios participaron na llimpieza.